NEGROS OCCIDENTAL-DEAD on the spot ang magtiyuhin na magkaangkas sa motorsiklo nang mabangga at magulungan ng isang cargo truck sa Bacolod-Silay Airport Access Road sa Brgy. Efigenio-Lizares, Talisay City ng lalawigang ito nitong nakalipas na Linggo.
Sa ulat ng Talisay City PNP agad na nasawi ang mga biktimang sina Allan Bedonia, 55-anyos at Rodrigo Bedonia, 22-anyos , kapwa mga residente ng Hacienda San Antonio 1, Barangay Dos Hermanas, Talisay City.
Base sa imbestigasyon, galing sa binyagan sa bayan ng Silay ang magtiyuhin nitong Sabado ng hapon at papauwi na sana nang maganap ang sakuna.
Habang tinatahak ng mga biktima ang north-south direction ng national highway ay aksidenteng nabangga ng prime mover truck ang motorsiklo.
Dahil sa lakas ng impact wasak ang suot na helmet ng magtiyuhin at tumilapon ng ilang metro sa daan ng kanilang mga katawan.
Sa ngayon, nasa kustodiya na ng Talisay City Police Station ang driver ng prime mover truck. VERLIN RUIZ
Comments are closed.