MAHAL SUMUGOD KAY MURA SA ALBAY

SUMUGOD si Mahal sa Albay nang mapanood sa isang vlogger ang sitwasyon ni Mura ngayon sa Albay, Bikol. Kahit ECQ, pilit lumusot si Mahal kasama ang kanyang partner na si Mygz Molino para alamin kung ano ang sitwasyon ng dating ka- tandem.

Mula sa Highway, nilakad nila papasok sa bundok kung saan nakatira si Mura. Nang makita ni Mahal ang dating katambal, halos himatayin daw ito sa awa rito. Malalim ang pinagsamahan nina mahal at Mura dahil pinagtambal sila  noon sa ABSCBN ni TV Host Willie Revillame. Nakagawa sila ng mga shows noon sa TV. Nangako si Mahal na bibigyan nya ng tulong si Mura kapag nagkapera na ito.

***

 MARCO GOMEZ BAGONG BOY NEXT DOOR

SI Marco Gomez na ngayon ang posibleng maging isa sa mga bankable Star ng Viva Films. Matapos ang kanyang box office at hit movie na SILAB na ipinalabas sa Vivamax, may mga kasunod na agad.

Gagawin ni Marco ang pelikulang 69 plus 1 ng Viva. Balita namin, may nakakalokang eksena rito si Marco kasama si Maui Taylor. May Orgy pa raw na eksena na talagang hindi sinukuan ni Marco.

Sa pelikulang SILAB, napakarami niyang frontal nudity na kinabaliwan ng mga nanood. Maraming plano ang 316 Management para kay Marco dahil nakita nila ang ta­lent nito, at hindi pinababayaan ng kanyang mana­ger na si Len Carillo.

***

DATING ALAGA NI KUYA GERMS PATULOY NA UMAASA

Singer-Composer si Jervy Esmiller na mainstay dati sa “Walang Tulugan” ni Kuya Germs sa GMA7. Magaling siyang singer ngunit hindi nabig­yan ng pagka-kataong sumikat.

Malaki ang bilib ko sa kanya mula nang marinig ko siyang kumanta sa Spotify, kung saan kabilang ang “Torpe” pero mas bongga ang kanyang bagong song na “Bagong Pag-asa.”

Kinanta nya ito noong birthday ko at naiyak ako. Hindi lang dahil maganda, kundi dahil sa meaning. Isa itong paalala para lumaban at magpakatatag sa buhay sa kabila ng mga pinagdadaanan nating pag­subok.

Matagal ko nang kilala si Jervy pero di ko siya pinapansin dahil akala ko, hindi siya mabait, pero nang makausap ko na siya, very low profile pala. Marespeto at magalang kausap.

Pangarap ni Jervy na makapag perform uli. Panalangin nya na sana, matapos na ang pagsubok na nararanasan natin ngayon.

Related posts:

MURA NANAWAGAN KAY VHONG NAVARRO MGA ALAALA NI MAHAL MYGZ MOLINO HINDI SINISISI NG MGA KAPATID NI MAHAL MGA ARTISTANG NAKIPAG- COLLAB KAY MAHAL SA VLOG NI BULAKLAK DI NAGPADALA JETHRO CAREY NAGBAYAD NG P.5-M SA KAANAK NI MAHAL