MAINE MENDOZA SUPORTADO SINA KATHRYN AT ALDEN

SUPORTADO ni Maine Mendoza ang unang pagtatambal nina Kathryn Bernardo at Alden Ri­chards na kasalukuyang tumatabo sa takilya.

Sa kanyang Twitter account, nag-promote si Maine ng “Hello, Love, Goodbye” na ikinatuwa naman ng kanyang original love team partner na si Alden Richards.

Sey ni Alden sa tweet ni Maine: “Thank you, Ma’am Maine”.

Speaking of Kathden’s movie, inaasahang mahihigitan nito ang “The Hows of Us” ng Kathniel at posibleng ito ay magtala ng record na highest grossing Pinoy film of all time.

Dahil din sa tinamong tagumpay nito sa takilya, marami na ang excited na magkaroon ito ng sequel o part 2 lalo pa’t sa kuwento ng pelikula ay wala pang closure ang mga character nilang sina Joy at Ethan na maikukumpara sa successful tandem noon nina Bea Alonzo at John Lloyd Cruz na kahit walang love angle ay oozing ang chemistry.

Tungkol naman kay Maine, nakatakda na niyang simulan ang “Isa Pa With Feelings,” isang rom-com kung saan katambal niya si Carlo Aquino.

Kung sakaling kakagatin ng madlang pipol ang kanilang love team, malaking bagay ito para kay Maine dahil mapatutunayan niyang kaya niyang tumayo sa sariling sikap na hindi dumedepende sa anino o tambalan nilang AlDub ni Alden.

GERALD NAGSALITA NA SA ISYU TUNGKOL KINA BEA AT JULIA

DUROG-DUROG sa netizens ang Kapamilya actor na si Gerald Anderson sa mga batikos dito dahil sa umano’y pagiging unfaithful nang nagawa nitong pagsabayin sina  Bea Alonzo at Julia Barretto.

Isang avid at concerned fan ang nagpahayag ng suporta sa aktor sa  kabila ng kaliwa’t-kanang pambibira na nakukuha nito sa mga nakikisimpatiya sa sinapit ni  Bea na clueless pa sa kanilang hiwalayan.

Binasag niya ang kanyang katahimikan sa kanyang post na: “There are always two sides to every story. If you are unwilling to hear the other side and only draw your conclusion from a half-told story, then you are choosing to be a manipulated fool.”

Marami ang nag-react sa kanyang sagot sa faney na si  zeejbabe kung saan maliwanag na ibig niyang tumbukin na hindi totoo lahat ang mga paratang sa kanya dahil  hindi nila alam ang tunay na  isyung kinasasangkutan nila ni Bea at ng  rumoured new apple of the eye niyang si  Julia.