PINAAAKSIYUNAN sa lalong madaling panahon sa Kamara ang panukala na nagsusulong ng special emergency leave para sa mga kawani mula sa pribado at pampublikong sektor na makararanas ng ‘side effects’ ng COVID-19 vaccine.
Sa House Bill 9152, ipinaliwanag ni Quezon Rep. Helen Tan na ang nasabing hakbang ay maaaring makapagpahikayat pa sa maraming empleyado na makibahagi sa nagpapatuloy na COVID-19 vaccination program ng pamahalaan.
Bagaman ligtas at epektibo naman ang mga bakuna, ang mga eksperto na ang nagsasabi na maaaring may side effects ang mga ito na dapat ay ipahinga kahit sa loob ng ilang araw.
Malinaw na nakasaad sa panukala na hindi dapat ibawas ang special emergency leave sa iba pang leave credits ng empleyado.
Kapag naging ganap na batas, maaaring ma-avail ang COVID-19 vaccine special emergency leave “with pay” o babayaran ng employer kung makaramdam ng pananakit o pamamaga ng parte ng katawan na tinurukan; lagnat; pananakit ng katawan at ulo; fatigue; at iba pang side effects.
Kailangan namang makapagsumite ang isang empleyado ng sertipikasyon mula sa doktor o medical professional kung saan nakasaad na nakararanas nga siya ng side effects ng bakuna. CONDE BATAC
Related posts:
(DOLE nagpalabas ng guidelines) FREE COVID-19 VACCINES SA WORKERS
(Pinag-aaralan ng DOLE) VAX VS COVID SA OPISINA NG WORKERS
DICT ITINALAGANG COVID-19 VACCINE INFO HUB
CDO FOODSPHERE LAUNCHES VACCINE INFORMATION CAMPAIGN
PAGPAPABILIS SA PAGDATING NG BAKUNA MAGAWAN SANA NG PARAAN
COVID-19 VACCINATION PROGRAM BILL LUSOT NA SA SENADO!
(Isinusulong sa Senado) KOMPENSASYON SA COVID-HIT WORKERS
(Sa COVID-19 vaccination program) CONSTRUCTION WORKERS ISAMA SA PRIORITY LIST