MAKUPAD NA RELEASE NG COVID-19 VACCINES INALMAHAN

MAKARAANG makaranas ang Bureau of Customs (BOC) ng mga negatibong komento mula sa publiko hinggil sa sinasabing makupad na paglabas ng mga COVID-19 vaccines sa Ninoy Aquino International Airport (NAIA), naging mabilis na ang pagre-release ng.mga ito.

Isang araw ang pinakamatagal bago mai-release ang mga vaccine sa NAIA bilang pagsunod sa trade facilitation commitment ng  BOC at matugunan ang kakulangan ng bakuna sa bansa.

Batay sa report, isang araw ang minimum o pinakamatagal sa clearance processing bago mailabas ang vaccines sa NAIA, ayon sa pahayag ng isang insider.

Kabilang sa mga requirement bago mailabas ang vaccines ay ang License to Operate, (LTO), Certificate of Products Registration (CPR), Special Use Authorization (SUA), at Compassion Use Authorization (CUA) galing sa Food and Drugs Administration (FDA).

Nitong nakarang araw ay  naging mabilis ang pagka-release ng 180,000 ng Remdesivir vials na dumating sa NAIA noong isang araw.

Ayon sa impormasyon na nakalap ng pahayagang ito, umaabot na sa 42 shipments ng Remdesivir vials ang nai-release ng BOC mula pa noong nakaraang buwan ng Marso. FROILAN MORALLOS

Related posts:

(Mula sa Moderna) 20-M DOSES NG COVID-19 VACCINE MAKUKUHA NG PH EXECUTIVE SESSION SA ISYU NG VACCINE LIBRENG BAKUNA SA MGA OFW PRRD INIP NA SA COVID-19 VACCINES (Sa pagpapabakuna kontra COVID-19) REP. TAN IGINIIT ANG PAGIGING FRONTLINER MGA GURO, IPINASASAMA SA COVID-19 VACCINATION PROGRAM PUBLIKO PINAG-IINGAT SA PAGBILI NG ‘DI AWTORISADO COVID VACCINE MAS MARAMI PANG COVID-19 VACCINES, DARATING SA PINAS