QUEZON – ISANG ginang na manganganak na ang iniligtas at isinugod sa ospital ng mga rescuer ng Bureau of Fire Protection attauhan ng MDRRMO sa kasagsagan ng malaking baha sa bayan ng Burdeos sa lalawigang ito kahapon ng umaga.
Ayon kay Garner Gimenez, head ng MDRRMO Municipality of Burdeos, tumawag ng tulong sa kanila ang pamilya ng ginang nang magsimulang sumakit ang tiyan nito at makaramdam na manganganak na.
Subalit, dahil sa malakas na ulan dulot ng bagyong Enteng, lubog na sa baha ang halos buong town proper ng bayan ng Burdeos kasama ang barangay ng ginang.
Wala nang makatakbong sasakyan dahil sa taas ng tubig na halos umabot ng hanggang beywang.
Kaya’t sinaklolohan na lamang ito ng mga rescuer gamit ang stretcher at sinagasa at nilusong ang malalim na baha at nilakad ang nasa 1 kilometrong layo ng ospital.
Nang maipasok sa binabaha rin ospital, ligtas at maayos namang nakapagsilang ang ginang ng isang sanggol na lalaki.
BONG RIVERA
Related posts:
BAGSIK NI ENTENG (BARGE SUMADSAD SA DALAMPASIGAN)
3 BAHAY TINUPOK NG APOY
SUNOG SA ISLA: 4 BAHAY NATUPOK, 1 NASAKTAN
ILANG KALSADA SA BATANGAS SARADO DAHIL SA LANDSLIDE
BANTAY-DAGAT, MDRRMO NAGSAGAWA NG INSPEKSYON SA BAYBAYING DAGAT
PCG SOUTHERN TAGALOG HANDA NA SA BAGYONG ‘ENTENG’
BUONG BANSA UULANIN KAY ‘ENTENG’ (Signal No. 1 sa 11 na lugar)
DOH WARNS AGAINST LEPTOSPIROSIS AMIDST HEAVY RAIN BY ENTENG