DALAWANG mangingisda sa Cagayan ang nawawala makaraang makaranas ng hindi magandang panahon sa lalawigan.
Kinilala ang dalawa na sina Dominador Tangonan, 46 at Rex Antionio, 25.
Pumalaot ang dalawa madaling araw ng Linggo lulan ng MB Madonna.
Gayunman, inabot sila ng malakas na ulan at malakas na hangin habang nasa karagatan.
Nauna nang nagtaas ng gale warning ang PAGASA sa eastern Luzon dahil sa masamang panahon na maaring magdulot ng mataas na alon.