DUMATING sa Ninoy Aquino International Airport (NAIA) terminal 3 kamakailan ang isang Pilipinong mangingisda sakay ng Cebu Pacific flight mula sa Jakarta, Indonesia matapos pigilin ng ilang linggo sa nasabing bansa dahil sa iligal na pagpasok nito nang mapadpad dahil sa malakas na alon.
Si Ulnario Capitan, 51 anyos, at tubong Jose Abad Santos, Davao Occidental ay nakauwi sa bansa sa tulong ng Philippine Embassy sa Jakarta.
Isinalaysay ni Capitan na noong nakaraang Marso 26 ng taong kasalukuyan, umalis siya sa kanilang lugar upang manghuli ng isda sa may Caburan Sea sakop ng Davao Oriental at pauwi na siya nang biglang hampasin ng malaking alon ang kanyang maliit na bangka hanggang sa ito ay mawasak.
Aniya, matapos magkagutay-gutay ang kanyang bangka, mga galon at plastic coat ang kinapitan niya hanggang sa mapadpad siya sa karagatan ng Indonesia at masagip ng mga mangingisdang Indonesian.
Sinabi ni Capitan, habang palutang-lutang siya sa karagatan ay tiniis niya ang gutom at wala siyang ibang ginawa kundi ang magdasal para sa kanyang kaligtasan.
Sa tulong ng mga tauhan ng embahada ng Pilipinas sa Jakarta nakauwi si Capitan at binigyan ng libreng plane ticket. FROI M
Related posts:
(Panawagan ng mga senador) HUSTISYA SA 3 MANGINGISDA
“Sobra na… Kailangan nang matapos ito” – Romualdez
Globe ikinasa ang kampanya vs kagutuman, Longest Hapag inilunsad
IMEE NABABAHALA SA MADALIANG PAGPASA NG MAHARLIKA BILL
SIKAT NA CANADIAN VLOGGER, FILIPINO CITIZEN NA
MAKATI BUSINESS CLUB ISINUSULONG ANG RATIPIKASYON NG EOPT BILL
ADOPTED SON OF CALABARZON BONG GO VISITS SARIAYA, QUEZON TO INSPECT SUPER HEALTH CENTER AND PERSONALLY AID INDIGENTS
“Ilapit natin ang serbisyo ng gobyerno sa tao” — Bong Go lauds Senate approval on final reading of bill he authored and sponsored establishing regional specialty centers
Comments are closed.