MARIAN RIVERA NADULAS, IBINUKING NA PAPASOK SI DINGDONG SA POLITIKA

HINDI  kaya na­dulas lang si Marian Rivera nang sabihin niya sa harap ng press na papasukin ng mister niyang si Dingdong Dantes ang politics sa year 2019. Walang kagatol-gatol kasi sinabi ni Marian nang tanungin ng press kung totoo bang tatakbo next year si Dingdong.

Hindi lang daw niya sure kung anong posisyon ang tatakbuhin ng kanyang mister, pero sure raw na talagang papasukin na ni Dong ang politics sa nalalapit na election.

Pero tila natauhan si Marian sa ibinulgar na pagtakbo ni Dingdong dahil kaagad nagsabi na, “Si­guro ibigay na lang natin sa asawa ko para sabihin niya kung tatakbo ba siya o hindi ba siya tatakbo o kung tatakbo, anong posisyon?

So, aantayin ngayon ng entertainment press ay ang kumpirmasyon ni Dingdong kung tatakbo nga at kung anong posisyon at partido siya sasama.

Pero, if ever na papa­sukin na nga ng actor ang politics next year ay magkakaroon tiyak ng problema ang kanyang nalalapit na seryeng Abel at Cain na gagampanan nila ni Dennis Trillo.

‘Di ba may election ban. Bawal sa mga kandidato ang magkaroon ng anumang show or programa sa TV kapag ikaw ay kakandidato?

Dapat  ngayon pa lang ay ayusin na ni Dingdong at nang management ng GMA 7, kung tatakbo nga ang actor sa 2019 election.

PEPE HERRERA ‘DA WHO’ PARA BIGYAN NI MOTHER LILY NG BREAK SA PELIKULA

DA who raw si Pepe Herrera na binigyan ng mala­king break ni Mother Lily Monterverde na maging leading man ni Ritz Azul sa pelikula.

Matagal na palang active sa showbiz si Pepe.  Katunayan ay isa siyang theater actor at nabigyan ng break sa ilan na rin pelikula, pero itong movie nila ni Ritz ang biggest break niya at ganoon din si Ritz.

Si Ritz ay dating contract talent ng TV 5 bago naging Kapamilya at napapanood siya sa Banana Sundae. Isa rin siyang political leader sa kanilang lu-gar.

Si Pete ay nag-aral  ng music at naka-graduate sa University of Santo Tomas. Naging member pa si Pepe ng choir group sa kanilang campus, ang Coro Tomasito.

Si  Coco Martin ang nagbigay ng break kay Pepe para mapanood siya sa te­lebisyon  at naging sidekick pa nga siya ni Coco sa Ang Probinsiyao at doon na rin sa serye nagkaroon ng pagkakataon makatrabaho niya si Ritz.

Tanong kay Pepe ng press ay kung wala ba siyang balak na ligawan si Ritz dahil pareho naman silang loveless.

Hindi kasi inilihim ni Pepe na humanga siya sa kabaitan ni Ritz nang magsama sila sa serye ni Coco sa ABS-CBN.

Balik na tanong tuloy ni Pepe sa nagtanong kung wala ba siyang balak ligawan si Ritz, “Di ba mas mabuti, if we ask her first kung puwede ba si-yang ligawan?.”

Well, goodluck sa movie at sana ay magklik ang first team up nila ni Ritz.