MARINDUQUE INAYUDAHAN NG DOLE

PINANGUNAHAN ni Speaker Lord Allan Velasco ang pagpapaabot ng lubos na pasasalamat kay Department of Labor and Employment (DOLE) Secretary Silvestre Bello III dahil sa dala nitong mga tulong para sa mga Marinduqueňo.

Mismong sina Speaker Velasco at Marinduque Governor Presby Velasco ang personal na sumalubong sa pagpunta ni Bello sa naturang island province kahapon, kung saan kasama rin nito ang ilang opisyal ng Overseas Workers Welfare Administration (OWWA).

Kabilang sa mga bitbit ni Bello na ayuda para sa mga mamamayan ng Marinduque ang Tulong Panghanapbuhay sa Ating Disadvantaged/Displaced Workers (TUPAD) project at livelihood program ng OWWA na “Balik Pinas, Balik Hanapbuhay” para sa overseas Filipino workers na lubhang apektado ng pandaigdigang pandemya.

Sa pamamagitan din ng kalihim ay naipamahagi ang certificate of eligibility para sa mga benepisyaryo ng Native Pig Propagation Project; itinalaga ang mga bagong Healthy Economic Recovery Officers (HERO) ng bayan ng Torrijos, sa ilalim ng programang Mission RACE (Rebooting Economies through Community Engagement); ipinagkaloob sa munisipyo ng Buenavista ang starter kits para sa Native Pig Dispersal Project; at ipinamahagi ang personal protective equipment o PPEs at iba pang kagamitan na donasyon ng International Labour Organization (ILO) sa Marinduque.

Sinabi ni Speaker Velasco na ang pagbuhos na ito ng tulong mula sa DOLE para sa mga Marinduqueño ay magbibigay-daan sa layunin nila na unti-unting pagbubukas at pagpapaunlad sa iba’t ibang industriya ng kanilang lalawigan, lalo na sa sektor ng agrikultura.

Samantala, nagkaroon din ng mas malalim na talakayan sa pagitan ng mga opisyal  ng DOLE at mg lokal na pamahalaan ng Marinduque hinggil sa posibleng solusyon sa mga suliraning may kaugnayan sa empleyo at pagtatrabaho ng mga Marinduqueño.

Kabilang sa mga dumalo sa nabanggit na pagtitipon sina DOLE Undersecretary Renato Ebarle, OWWA Administrator Hand Leo Cacdac,  DOLE Director Ma. Karina Perida Trayvilla, DOLE Regional Director Joffrey Suyao at Assistant Regional Director Erwin Aquino, at OWWA Regional Director Jose Capa.

Dumalo rin sina Boac Mayor Armi Dela Cruz Carrion, Buenavista Mayor Nancy Madrigal, dating Provincial Board Member Bong Raza na kumatawan kay Torrijos Mayor Lorna Velasco, Marinduque Provincial Administrator Mike Velasco, DOLE Head Peter James Cortazar at Public Employment Service Office (PESO) Manager Alma Timtiman. ROMER R. BUTUYAN

Related posts:

P1.5-B AYUDA SA WORKERS IPAMAMAHAGI NG DOLE NGAYONG LINGGO (Apela sa DBM, DOF, DOLE) WORKERS AYUDAHAN SA 2-WEEK ECQ (Ipinalalaan ng DOLE sa DBM) P2-B ECQ AYUDA SA WORKERS (Tiniyak ng DOLE) AYUDA SA OFWS SA COVID-HIT SHANGHAI (Ipinagkaloob ng DOLE) P20-M AYUDA SA INFORMAL SECTOR WORKERS (Tiniyak ng DOLE) AYUDA SA MANILA BAY RECLAMATION WORKERS (Ipagkakaloob sa ika-90 anibersaryo ng DOLE) AYUDA SA HIGIT 80K BENEPISYARYO AYUDA SA MAHIHIRAP BILISAN