NAKA-DEPLOY na rin ang tropa ng Philippine Marines sa mga quarantine assistance stations sa Luzon.
Ito ay para tumulong na rin sa pagbabantay kaugnay sa umiiral na Enhanced Community Quarantine para mapigilan ang pagkalat pa ng 2019 Coronavirus Disease (COVID-19).
Ayon kay Lt. Commander Maria Christina Roxas, tagapagsalita ng Philippine Navy, ang 12th Marine Battalion team ang naka-deploy na sa mga quarantine assistance stations sa lalawigan ng Rizal, Marikina, Muntinlupa, Cavite at Laguna.
Mahigpit naman ang paalala ng liderato ng Philippine Marines at Philippine Navy sa mga naka-deploy na sundalo na ingatan ang mga sarili habang tinutupad ang kanilang tungkulin para hindi mahawa ng virus.
Matatandaang una nang kinumpirma ng pamunuan ng PNP na mahigit 600 mga pulis ngayon ang inoobserbahan dahil sa posibleng nahawa ng COVID-19 dulot ng pagbabantay sa mga quarantine checkpoint at mga border sa Luzon. REA SARMIENTO
Related posts:
ECQ SA NCR AALISIN NA (Posibleng ‘di na palawigin-DILG)
ECQ INIREKOMENDANG PALAWIGIN NG MMC
PANIBAGONG EXTENSION SA ECQ DEDESISYUNAN PA LANG
BACKYARD FARMING UMUUSBONG SA ECQ
(Sa pinaiiral na ECQ) METRO MAYORS NAGREKOMENDA NG 3 SENARYO
KAPAG MARAMING PASAWAY, ECQ IBABALIK
MERALCO MAGLALABAS NG BAGONG BILL PARA SA MGA BUWAN NA NAKA-ECQ
KUMAKALAT NA BALIK-ECQ ITINANGGI NG DOH