INIHAYAG ni Philippine National Police (PNP) Chief Police General Rommel Francisco Marbil na pinapa-account niya ang lahat ng sasakyan ng PNP para masigurong hindi nagagamit sa iligal na gawain ang mga ito.
Ang kautusan ay inilabas ng PNP Chief matapos matuklasan na gumamit ng official vehicle sa paggawa ng krimen ang dalawa sa apat na pulis na inaresto kaugnay ng pagdukot sa apat na dayuhan sa Pasay City.
Gumamit umano ang mga suspek ng PNP motorcycle upang harangan ang sasakyan ng mga biktima at isang sibilyang van na may mga blinker.
Mahigpit na ipinag-utos ni Marbil kay PNP Highway Patrol Group (HPG) Director Brig. Gen. Jay Cumigad na hulihin ang lahat ng iligal na gumagamit ng PNP marking sa sasakyan at i-account ang lahat ng sasakyan kabilang ang mga motorsiklong ginagamit ng mga pulis. EVELYN GARCIA
Related posts:
P1.7-M POLICE AND OFFICE EQUIPMENT NATANGGAP NG PNP
130 PATROL VEHICLES DONASYON NG KOREA SA PNP
NATIONWIDE RESHUFFLE SA PNP; PIO CHIEF PINALITAN
PNP TINIYAK NA PATAS SA PAGPAPATUPAD NG BATAS VS NARCOLIST NG PDEA
2 OPISYAL NG TAGUIG-PNP SIBAK
POLICE COLONEL AT 3 PA SIBAK SA KOTONG
BINILING PATROL JEEPS NG PNP PALPAK
KATANGI-TANGING PNP PERSONNEL PARARANGALAN NGAYON