TAHASANG sinabi ni National Security Adviser Secretary Hermogenes Esperon na ang pagpapalawig muli sa umiiral na Martial Law sa Mindanao ang pinakahuling opsiyon.
Reaksiyon ito ni Esperon kaugnay sa sumbong ng Indigenous People sa pang-aabuso ng rebeldeng grupo sa kanilang mga komunidad.
Aniya, napag-usapan sa ginanap na Security Cluster Meeting na hindi ang pagpapalawig ng Martial Law ang una nilang opsiyon para sa Mindanao kundi ang pangangailangan ng mga taga-Mindanao kaya kinukuha nila ang saloobin ng mga ito bago magdesisyon.
Binigyang diin ni Esperon na kailangang dumaan sa malalimang pag-aaral kung ipagpapatuloy ba ang batas militar sa Mindanao o hindi.
Inamin din nito na mayorya ng mga taga-Mindanao ay pabor na palawigin pa ang Martial Law dahil maganda ang epekto nito sa kanilang seguridad.
Idinagdag pa nito, nagpahayag na ng suporta ang Philippine National Police sa pagpapalawig ng Martial Law at magiging bahagi ito ng kanilang rekomendasyon kay Pangulong Rodrigo Duterte. VICKY CERVALES
Related posts:
TAUMBAYAN ‘DI DAPAT MABAHALA SA ML EXTENSION
NO ML EXTENSION SINUPORTAHAN
(Inanunsiyo ng Palasyo) MARTIAL LAW NO EXTENSION
MARTIAL LAW PARA MASUGPO ANG COVID 19, ITINANGGI
(Tiniyak ng Palasyo sa gitna ng health crisis) WALANG MARTIAL LAW
MARTIAL LAW SA SULU (Ikinokonsidera ni Duterte)
(Martial law pinadedeklara ni Duterte sa susunod na presidente) DROGA, KORUPSIYON PROBLEMA PA RIN
BBM HINDI DAPAT SISIHIN SA MARTIAL LAW – ROQUE
Comments are closed.