CAVITE – NAHULI na ang 13 preso na tumakas at naibalik na rin sa selda ilang araw matapos na pumuga sa Bacoor City noong Biyernes.
Habang nasa 10 pang pugante ang tinutugis, ayon kay PNP PRO4-A spokesperson Supt. Chitadel Gaoiran.
Naaresto sa Meycauayan, Bulacan bandang alas-10:30 ng gabi ang presong si Ferc Leo Melendrez na may kasong robbery.
Sinundan din ang pag-aresto ng Cavite City Police Station ang isang Norberto Hidalgo na nahaharap sa kasong robbery.
Ang iba pang naibalik sa kulungan ay sina Donato Marin y Luna, Leomar Prodon y Tagudin; Junjie Thomas Moog, Aryol Capili; Jonathan Narag; Gerald Lintan; Tristan Lance Ocupe y Collera; Jayjay Ruiz; Dennis Baluban; Divinagracia Dellon at Frederick Salondro.
Ayon kay Bacoor Police Chief Supt. Vicente Cabatingan, mas pinaigting pa ang ginagawang paghahanap laban sa mga pugante kaya may ilang preso rin ang nagpapahiwatig na nais na ring sumuko. VERLIN RUIZ
Comments are closed.