MATT NIETO UUBRA NA SA PBA

BIBIGYAN ko lang ng pansin ang isinagawang mall tour ng Jams Top Model 2018 sa SM Center sa Sa­ngandaan Caloocan City. Naimbitahan ako ng CEO/ President ng Jams Artist Production na si Ms. Angel Flores aka  Maricar Moina at ng hubby niyang si Mr. Jojo Flores. Lume-level up na po tayo,  hindi lamang ako pang-sports, pang-entertainment na rin.

Nakaaaliw ang mga nag-audition para sa upcoming singing contest na ala-‘Tawag ng Tanghalan’, ang Jams Dream Stars. Maraming magagaling at magagan­da ang boses na nag-audition sa naturang lugar. As of 10:00 a.m. ay ma­rami ang nakapilang mga  bata at teenagers para bigyan ng katuparan ang kanilang pangarap.

Ngunit mas naka-focus ang Jams Artist sa nalalapit na big event nito, ang Jams Top Model 2018  na gaga­napin sa Nobyembre 19 sa MOA Arena sa Pasay City. Noong Sabado ay ru­mampa ang mga naggagandahan, guwapo at cuties na kalahok sa Jams Top Model.

Nakaka-inspire ang mga kalahok, lalo na ang mga bata na may edad 6-9 para sa category 1, at mapapahanga ka sa kanilang paglalakad at pag-pose na animo ay mga professional na. Siyempre pa, ‘di pahuhuli ang category 2  na ang edad dito ay 10-15 at ang category 3 ay 16-25 yrs. old. Habang papalapit ang coronation ay lalo namang humuhusay ang pagrampa ng mga contestant. Ang magtsa- champion ay tatanggap ng P150,000 cash; 1st runner-up, P100,000; at 2nd runner-up, P50, 000.

Abangan ng mga taga-SM Valenzuela ang mall tour ng Jams Top Model sa Agosto 5, 10:00 am pa lang ay nandiyan na sila sa SM Valenzuela entertainment place. At siyempre, salamat sa one-stop soap. Good luck sa lahat na aspiring models..

oOo

Ibang laro ang ipinakita ni Matt Nieto sa laban nila sa host Chinese-Taipei. Isang malakas na three-point  bomb ang pinasabog nito mula sa pasa ni Thirdy Ravena upang maiuwi ang kanilang ika-5 panalo, 77-76, sa  40th William Jones Cup na ginaganap sa Taipei. Sa ipinakikitang laro ni Nieto ay puwedeng-puwede na siya sa PBA.

Pero sa mga  player ni coach Tab Baldwin, ang UAAP season 81 ang kanilang pinaghahandaan this coming  August. Con-grats Matt Nieto, keep up the good work!