MAX COLLINS BUNTIS NA

MATAPOS ang kasal nina Max Collins at Pancho Magno, nagpahayag na si Max na wala pa sa plano nila ng mister na magbuo ng isang pamilya.

Ani ni Max sa natu­rang panayam, nais muna nilang matapos ang lahat na gusto nilang gawing mag-asawa sa kanilang showbiz career at i-enjoy muna ang kanilang pagsasama at paglipat sa bagong tahanan.

Pero nagbago ang takbo ng plano sa buhay nila nang malaman ni Max na buntis na pala siya. Naiyak si Pancho nang malaman ito, iyak ng kaligayahan samantalang si Max ay nabigla naman. Bilang mister ay tila mas naging very supportive hubby itong si Pancho sa pinagdaraanan ni Max. Maging siya man daw ay naglilihi.

Kapansin-pansin din ang paglakas sa pagkain ni Max at nasabi pa ng bagong magiging ina na naglilihi siya sa mga tinapay. Mahilig daw kumain ng sandwich si Max ngayon.

Pagdating naman sa kanyang showbiz career, ani ni Pancho, go lang daw si Max hanggang kaya pero iwas na sa mga eksenang makapagdudulot ng hindi maganda sa pinagdaraanan ngayon ng misis, tulad na lang ng pagbiyahe ng malayo para sa location shoot.

KIM DOMINGO MASAYA SA MGA NAGSUSULPUTANG FLAWLESS, SEXY ACTRESS

MASAYA si Kim Domingo sa mga nagsusulputang mga sariwa at flawless na sexy actress ngayon sa bakuran ng Kapuso Network, tulad na lang nina Faye Lo­renzo at ngayon nga ang Starstruck avenger na si Liezel Lopez.

Say ni Kim, nitong nakaraang taon pa niya sinimulan na “magbihis” para sa kanyang bagong image and no more sexy roles. Maging sa kanyang mga comedy skit sa “Bubble Gang” kung saan regular na napapanood si Kim ay unti-unti na ring nababawasan ang kanyang pagpapa-sexy.

Say nga ni Kim, super thankful siya at kahit paano ay hindi siya iniwan ng kanyang supporters kahit pa sabihin na nagpalit na ng imahe, kahit pa wala na silang pinagpipistahan na alindog na ibinubuyangyang ni Kim. Dagdag na say pa ni Kim sa kanyang socmed, gusto naman niyang mapatunayan sa masa na kaya niya rin tumawid sa kategorya ng isang pagiging aktres.

Isa pa sa bagong bihis ni Kim ay ang pagiging aktibo niya sa social media blogs. Isa na rin siyang vlogger at sinimulan na niyang mag-post ng mga blogs na kanyang ginawa.