AGAD na naharang bago pa makaalis ng bansa ng mga tauhan ng Bureau of Immigration (BI) ang nakatatandang kapatid ni 2018 Presidential economic advisor Michael Yang na mayroon pang bitbit na milyon milyong halaga ng cash.
Kinilala ng BI fugitive search unit (FSU) and intelligence division (ID) ang naarestong si Yang Jianxin, 54-anyos sa pakikipagtulungan ng Presidential Anti-Organized Crime Commission (PAOCC) sa loob ng Ninoy Aquino International Airport (NAIA) Terminal 3 nang dumating ito sakay ng Cebu Pacific galing Cagayan de Oro.
Si Yang na gumagamit din ng alias na Antonio Lim ay may kautusan na arestuhin sa ilalim ng mission order na inisyu ng BI.
Nahaharap ito sa deportation case dahil sa tinatawag na undesirability and misrepresentation matapos na magpanggap na Pilipino at pamemeke ng mga impormasyon hinggil sa SEC certification ng Phil Sanjia Corporation na kanyang pagmamay-ari.
Ayon sa PAOCC, inirereklamo rin ito ng kanyang mga empleyadong Pinoy dahil sa hindi pagre-remit ng kontribusyon sa Social Security System (SSS), PAG-IBIG, at PhilHealth.
Itinurn-over si Yang sa kustodiya ng PAOCC na siyang mag-iimbestiga sa mga reklamo laban sa kanya.
Sinabi naman ni BI Officer-in-Charge Commissioner Joel Anthony Viado na kung mapatunayan na guilty ang naaresto, mahaharap ito sa deportation at blacklisting.
Gayunpaman ang deportasyon ay mangyayari lamang kung mayroon ng resolusyon sa kanyang mga kaso.
PAUL ROLDAN
Related posts:
(Pinaniniwalaang miyembro ng KOJC) 3 MALAYSIAN HINARANG SA NAIA
70 CHINESE IDINEPORT NA
7 AMERICAN PEDOPHILES BAN SA PH
1,570 OFWs PA DUMATING SA BANSA
(BOC, BI boluntaryong magsusuot) FACE MASK SA AIRPORT MULING IPATUTUPAD
ELECTRICAL SYSTEM UPGRADE NG NAIA TAPOS NA
P11-M DROGA NASAMSAM SA 19 PARCELS SA WAREHOUSE NG NAIA
MGA DAYUHANG MAG-AAPLY NG ENTRY VISA DADAAN SA BUTAS NG KARAYOM