CAMP CRAME – HINDI dahil sa kaso ng pagpaslang kay Ako Bicol PL Congressman Rodel Batocabe ang sanhi ng pag-aresto kay Dara-ga Mayor Carlwyn Baldo kundi ang pagkahuli sa kanyang posesyon ng armas na walang sapat na dokumento.
Sa ulat na nakarating sa PILIPINO Mirror, inaresto ng mga tauhan ng PNP –Criminal Investigation and Detection Group at Albay PNP si Baldo kahapon ng madaling araw sa Baldo Compound, Lakandula Drive, Brgy. Tagas.
Ayon kay PNP spokesperson, Sr. Supt Bernard Banac, alas- 2:30 ng madaling araw ay sinalakay ng mga pulis ang Baldo Compound bitbit ang search warrant.
Sa pagsalakay, nakuha ang dalawang kalibre 45 baril, isang magazine assembly para sa Uzi machine pistol na loaded ng pitong live ammunition para sa caliber 45.
Isang ammunition para sa grenade launcher M203, walong live ammunition para sa caliber .45 at isang live ammunition para sa M16 caliber.
Si Baldo ang itinuturong pangunahing suspek sa pagpatay kay Batocabe noong Disyembre 22, 2018. REA SARMIENTO
Comments are closed.