MAYOR NG FAMY, INA PATAY SA COVID-19

LAGUNA – NAGLULUKSA ngayon ang bayan ng Famy matapos magkasunod na masawi sa COVID-19 ang kanilang Punongbayan at ang ina nito.

Base sa nakalap na impormasyon ng Pilipino MIRROR kay Provincial Public Affairs Officer Rommel Palacol, isinugod sa Global City Medical Hospital sa bayan ng Bay si Famy Municipal Mayor Edwin Pangilinan, 53-anyos noong Marso 15 matapos nakaramdam ng panghihina ng larawan.

Kasunod nito, isinugod naman sa Holy Family Clinic sa bayan ng Sta. Cruz ang ina ng alkalde na si Lucena,76-anyos dahil masama na rin ang pakiramdam.

Nabatid na unang dinapuan ng COVID-19 ang alkalde mahigit isang Linggo na ang nakakaraan kung saan pansamantalang nagdesisyon itong manatili muna sa kanyang kubo para doon ito magpagaling kasama ang ina na siyang nag-aalaga sa kanya samantalang hindi inaasahang lumala ang kanilang kalalagayan.

Naunang binawian ng buhay ang ina nito sumunod ang alkalde pasado alas- 10 ng umaga sa magkahiwalay na ospital kung saan patuloy na inaalam ng mga dalu bhasa kung kanino at saan ito nahawa. DICK GARAY