MAYORS, BRGY CHAIRMAN PUWEDENG BAKUNAHAN

IKINOKONSI­DERANG frontliner din ang mga barangay chairman at mayors kung kaya kuwalipikadong mabakunahan ang MGA ito laban sa COVID-19.

Ito ang sinabi ni Pa­ranaque City Mayor at Metro Manila Council (MMC) chairman Edwin L. Olivarez makaraang maiulat na limang ma­yors ang nabakunahan na ng first dose ng CO­VID-19 vaccine.

Ipinaliwanag ni Olivarez na bilang namumuno sa local health board ay maaaring na makatanggap ng bakuna laban sa COVID-19 ang mga mayor.

“Ang problema lamang dito ay ang delicadeza. Sa ngayon ay kulang pa rin tayo ng vaccine. Kailangan pa ba tayong mauna sa ating mga konstituwente?,” ani Olivarez sa isang panayam.

Gayunpaman, Anang alkalde na kailangan din na mabigyan ng prayoridad ang mga opisyal ng bawat barangay dahil iti­nuturing din sila na mga frontliner.

Matatandaan na kamakailan lamang ay ilan sa mga mayors ang binatikos dahil sa pakikipag-unahan sa CO­VID-19 vaccine.

Bukod pa sa mga politiko, ilan din sa mga emple­yado ng gobyerno ang nauna pang mabakunahan kaysa sa health workers gayundin ang kontrobersyal na pagbabakuna kay actor Mark Anthony Fernandez na sinilip ng DILG. MARIVIC FERNANDEZ

Related posts:

(Metro Mayors magpapatupad ng pagmumulta) ORDINANSA SA PAGSUSUOT NG FACE MASK APRUB METRO MAYORS, MAGPUPULONG PARA SA IREREKOMENDANG QUARANTINE STATUS MAYORS OK SA DAGDAG TRANSPO, NO SA BAWAS SOCIAL DISTANCING MAYORS MAGTATAKDA NG GUIDELINES PARA SA UNDAS (Rekomendasyong MGCQ sa NCR) METRO MAYORS TUTOL