MAYORYA NG MGA PINOY KUNTENTO SA WAR ON DRUGS

WALO sa bawat sampung Filipino ang kuntento sa kasaluku­yang kampanya ng pamahalaan kontra ilegal na droga nitong Setyembre.

Ito ay batay sa isinagawang survey ng Social Weather Stations (SWS) kung saan nakakuha ng +64 na net satisfaction rating o katumbas ng ‘very good’ ang war on drugs ng pamahalaan.

Gayunman, mas mababa naman ito ng anim na puntos mula sa nakuhang +70 noong Hunyo.

Ayon sa SWS, 79% ng mga Filipino adult respondents ang nagsabing nasisiyahan o kuntento sila sa war on drugs.

Habang 15% ang hindi nasisiyahan at 6% ang undecided.

Lumabas din sa survey na 42% ng mga Filipino ang naniniwalang bumaba na ang bilang ng mga drug suspect dahil sa war on drugs.

18% naman ang nasabing nakatulong ito para maaresto ang drug suspects habang 11% ang naniniwalang bumaba ang bilang ng krimen dahil sa kampanya kontra ilegal na droga. DWIZ882