DUMATING kagabi si American professional boxing promoter at dating professional boxer Floyd Mayweather Jr. para sa isang bakasyon at exploratory tour sa pinakamagagandang beach sa bansa.
Kilala rin bilang ‘Money’ Mayweather kasama ang kanyang crew na ‘The Money Team’, matagumpay na naidepensa ni Mayweather ang kanyang championship belt mula 1996 hanggang 2007 at 2009 hanggang 2015. Nagsagawa siya ng one-fight comeback laban kay Pambansang Kamao Manny Pacquiao noong 2017.
Ang pagbisita ni Mayweather ay iho-host ni Sam Versoza ng Frontrow International, ang outfit na nagdala sa Miss Universe candidates sa bansa noong nakaraang taon.
“I am more than happy to host one of the greatest boxers of all time. It is a privilege to be his host during his vacation,” wika ni Versoza. Ang Frontrow ang nangungunang Health and Wellness; Multilevel marketing company ng bansa.
Sa isang phone interview, sinabi ni Mayweather na natutuwa siya na sa wakas ay masisilayan na niya ang kagandahan ng Pilipinas.
“ I have heard and seen on TV how beautiful the Philippines is and I can’t wait to see for myself the natural wonders and beauty of your country. I am looking forward for some relaxation, time with family and friends and experience how you guys throw a party for the Money Team,” anang boxing legend na nagretiro na walang dungis ang marka sa 50-0.
Comments are closed.