NASA Pilipinas na ang American boxing legend na si Floyd Mayweather.
Dumating sa bansa kamakalawa ng gabi si Mayweather sakay ng kanyang gulfstream jet mula sa kanyang matagumpay na exhition match sa Japan.
Sinalubong siya nina Frontrow & Hotel Executives Richmond Yu at CEO Sam Versoza sa private hangar ni dating Ilocos Sur Gov. Luis ‘Chavit’ Singson.
Nabatid na inimbitahan ang undefeated US boxer ng health and beauty product company na Frontrow upang maging brand ambassador.
Nakatakda ring bumisita si Mayweater sa ilang private resorts sa bansa para sa iba pang events ng kompanya.
Ikinatuwa naman ni Mayweather ang pagbabalik sa Pilipinas at sinabing nag-e-enjoy siya sa pagbisita sa bansa.
RAOUL ESPERAS (DWIZ 882)
