CAVITE— KRITIKAL ngayon sa pagamutan ang 20-anyos na vendor makaraang pagbabarilin ng isang na nakamotorsiklo na nakasuot ng uniform ng Joyride habang ang biktima ay nasa tapat ng kanilang tindahan sa Barangay Zone 3, Dasmariñas City nitong Miyerkules.
Hindi bababa sa 5 tama ng bala ang tinamo ng biktimang kinilala sa alyas na Asnor na tubong Lanao Del Sur at residente ng Brgy Zone 1, Dasmarinas City, Cavite.
Sa imbestigasyon ng pulisya, dakong alas-8:40 ng gabi nang maganap ang pamamaril habang nakatayo ang biktima sa kanyang tindahan nang may dumating na motor sakay ang suspek na kinilala sa alyas “Gigi”.
Nakasuot ng Joyride uniform ang suspek habang pinagbabaril ang biktima na mabilis na tumakas matapos ang pamamaril.
Kritikal ang biktima nang isugod ito sa hospital ng De la Salle University Medical Center at hanggang sa kasalukuyan ay inoobserbahan pa din ito.
Kasalukuyang nagsasagawa ng hot pursuit at dragnet operation ang pulisya para sa ikadarakip ng suspek. SID SAMANIEGO