DAVAO CITY- HINDI na nagawa pang iligtas ang buhay nang isang dalaga makaraang masagasaan ng isang rumaragasang wing van na naganap sa lalawigang ito.
Batay sa report ng pulisya, nakilala ang biktima na si Lyra Martin Marcito, 24-anyos at residente sa Saliao Esperanza,Sultan Kudarat.
Samantala ang driver ng wing van ay nakilala na si Renato Maratas Garciano, 51-anyos, may-asawa na taga Mangagoy, Bislig, Surigao del Sur.
Ayon sa imbestigasyon ng traffic section ng Baliok PNP, nangyari ang aksidente matapos ang malakas na pagbuhos ng ulan na habang binabaybay ng wing van ang inner lane ng Mc Arthur Highway galing sa Toril patungong downtown area ngunit pagdating nito sa isang crossing sa Brgy. Dumoy, Mc Arthur Highway bigla na lamang nahagip ng van ang biktima sa kanyang pagtawid sa highway at nagulungan ang kanyang ulo nito na nagresulta sa agarang pagkamatay nito.
Nirespondehan pa ng BDRRMC sa Brgy. Aplaya ang biktima ngunit hindi na naisalba pa ang buhay nito.
Napag-alaman na ang biktima ay napapasa pa lamang sa isang board exam sa kursong Medical Technologist.
Kasalukuyang namang nasa kustodiya na ng pulisya ang driver ng naturang van habang ihinahanda pa ang kasong isasampa laban dito.
EVELYN GARCIA