PINALAKAS ng Medical Depot at Burlington EOG Sports ang kanilang title campaign nang magwagi sa kani-kanilang katunggali sa pagtatapos ng elimination round ng FilBasket Subic Championship sa Subic gym.
Pinadapa ng Medical Depot ang sibak nang 7A Primus, 86-72, habang pinayuko ng Burlingtong ang FSD Makati Army, 105-85, at tumapos sa kartada 6-4 sa ikaapat na puwesto.
Pinangunahan ni Patrick Cabahug ang mainit na opensiba ng Medical Depot sa pagtipa ng 31 points, kasama ang 9 na tres, at kumalawit ng 8 rebounds.
Dinomina ng Medical Depot ang laro kung saan lumamang ito ng 20 points, 83-63, sa huling dalawang minuto ng laro.
Pinangunahan nina Jett Vidal at Enoch Valdez ang Burlington sa pagkamada ng tig-17 points. CLYDE MARIANO