CAMARINES SUR – SWAK sa selda ang isang menor matapos umanong kikilan ang isang mag-aaral sa bayan ng Ocampo.
Sinabi ni PSSgt Raymund Paaño ng Ocampo-PNP, dumulog sa kanila ang biktima dahil sa umano’y pananakot at pangingikil ng suspek na nag-aaral sa Naga City.
Napag-alaman na na-hack ng suspek ang Facebook account ng biktima na sinasabing may mga private pictures at videos, na ginagamit umanong panakot ng suspek.
Nagbanta pa umano itong ilalabas ang naturang mga larawan at video kung hindi sa kanya magpapadala ng P5,000 ang biktima.
Kaugnay nito, agad na nagsagawa ng entrapment operation ang awtoridad kung saan huli sa aktong kinukuha ng suspek ang ipinadalang pera ng mga pulis sa isang money transfer sa lungsod.
Dinala na sa kustodiya ng Department of Social Welfare and Development (DSWD) ang suspek para sa karampatang disposisyon. PILIPINO MIRROR REPORTORIAL TEAM
Related posts:
LABI NG ESTUDYANTE NATAGPUAN SA LAGUNA
60 STUDES NAWALAN NG MALAY SA TINDI NG INIT
5 STUDES TINANGAY NG ALON
PROBLEMADONG ESTUDYANTE TUMALON MULA SA 3RD FLOOR NG PAARALAN
ESTUDYANTE TIMBOG SA DRUG TRADE
MGA ESTUDYANTE ‘DINOKTRINA’ VS NPA
36 ESTUDYANTE NAHIRAPANG HUMINGA SA KEMIKAL
49 ESTUDYANTE NALASON SA CHRISTMAS PARTY