MERCADO IPINAMIGAY SA PHOENIX

MALILIPAT na naman si Sol Mercado sa ibang koponan.

Ang veteran guard ay dinala sa Phoenix Pulse Fuel Masters sa isang trade na inaprubahan ng  PBA kahapon ng umaga.

Bilang kapaIit, kinuha ng NorthPort Batang Pier ang karapatan kina LA Revilla at Rey Guevarra.

Si Mercado, ang fifth overall pick sa 2008 PBA Rookie Draft, ay may average lamang na 4 points at 1.56 rebounds kada laro sa siyam na laro para sa Batang Pier.

Dumating siya sa NorthPort  noon lamang nakaraang season, kasama sina Kevin Ferrer at Jervy Cruz, habang kinuha ng Ginebra si Stanley Pringle. CLYDE MARIANO