Patuloy na magiging maulan pa rin ang panahon sa ilang mga lugar sa Luzon at Visayas bunsod pa rin ng epekto ng southwest monsoon o habagat.
Ayon sa Philippine Atmospheric Geophysical Astronomical and Services Administration (Pagasa), ilan sa mga lugar na uulanin sa Luzon ay ang Zambales, Bataan, Pangasinan, Tarlac, Occidental Mindoro, at Northern Palawan.
Gayundin ang Abra, Benguet, Nueva Ecija, Bulacan, Cavite, Batangas, Rizal, Romblon, Antique, Iloilo. Magiging maulan din sa Metro Manila, at nalalabing bahagi ng northern Luzon.
Babala ng Pagasa, posible pa rin ang mga pagbaha at landslides.
Ayon sa weather bureau, apektado ng monsoon rains and Luzon at Visayas na hinahatak ng dalawang bagyong lumisan sa bansa na parehong nasa labas na ng Philippine Area of Responsibility (PAR).
Ang dating bagyong Gener ay posible pang lumakas habang tinutumbok ang Vietnam. Ang bagyong si Punasan na may local name na Helen naman ay nagland fall na sa Okinawa, Japan at susunod namang tatama sa China.
Base sa rainfall forecast ng Metro weather, uulanin ngayong Huwebes, Setyembre 19, ang halos buong Luzon kabilang ang Metro Manila. Posible ang heavy to intense rains na posibleng magdulot ng baha at landslides.May tsansa rin ng ulan sa ilang bahagi ng Visayas at Mindanao.
Dahil din sa habagat magiging maalon at delikado sa maliliit na sasakyang pangdagat ang lumalaot sa baybayon ng Pangasinan, Zambales, Bataan, Occidental Mindoro, Palawan kasama ang Kalayaan islands.
MA. LUISA MACABUHAY-GARCIA
Related posts:
13 LUGAR SA PINAS NAKARANAS NG “DANGER LEVEL” HEAT INDEX
LA NINA AT SUPER TYPHOON SABAY NA PAPASOK SA PH
Bagyong Carina na idineklarang “severe tropical storm” lumakas pa habang kumikilos sa Cagayan at Isabela
LA MESA DAM UMAPAW
BUONG BANSA UULANIN KAY ‘ENTENG’ (Signal No. 1 sa 11 na lugar)
ACCURATE NA WEATHER FORECAST, MAS RESPONSABLENG AKSYON VS PAGBAHA
2 BAGYO POSIBLENG PUMASOK SA PH SA SUSUNOD NA LINGGO
MAHIGIT 20 LUGAR NASA SIGNAL NUMBER 1 KAY ‘GENER’