SINANAY ng Department of Science and Technology (DOST)-Batangas katuwang ang Pilipinas Shell Foundation, Inc. (PSFI) ang mga miyembro ng Mapalawun Farmers Association sa Brgy. Tabangao nitong Lunes sa pagproseso ng saging at kamoteng kahoy upang magkaroon ng karagdagang kita.
Ang asosasyon na binubuo ng mga maliliit na magsasaka ay nagpo-prodyus ng malaking volume ng saging at kamoteng kahoy na may malaking potensyal para sa mga produktong tulad ng chips.
Nakatuon ang pagsasanay sa pagpoproseso ng banana at cassava chips kabilang ang mga pamamaraan para sa wastong paghiwa, pagprito at pag-iimpake upang matiyak ang kalidad at buhay ng produkto.
Bukod dito, sinaklaw ng programa ang mahahalagang aspeto ng kaligtasan at kalinisan ng pagkain sa pagpapanatili ng mataas na pamantayan upang matugunan ang mga regulasyon sa merkado.
Ang mga participants ay nagkaroon ng hands-on na karanasan mula sa paghahanda ng hilaw na materyales hanggang sa huling pag-iimpake ng saging at cassava chips.
Binigyan sila ng mga detalyadong tagubilin sa wastong mga diskarte sa paghiwa gamit ang mga manual slicer at pinakamainam na temperatura at oras ng pagprito gamit ang mga karaniwang paraan ng pagluluto.
Naging resource speaker si Dr. Joel P. Rivadeneira, University Researcher III ng Institute of Food Science and Technology – University of the Philippines Los Baños. RUBEN FUENTES
Related posts:
Guidance ng mga successful na negosyante, pwedeng pagbatayan sa paggawa ng mga desisyon
Business skills para sa mga nagsisimula pa lamang sa negosyo
Personal Finance, bakit mahalaga?
A Timely Complement at the Laguna Business Stakeholders Convention and Innovation Summit
Nag-iisang anak itinaguyod sa palengke
ONLINE SHOPPING: Nag-‘Mine’ ka na ba sa online shopping?