NAGKAMPEON ang mga Bikolanang futsalera na nagmula sa lalawigan ng Masbate sa U16 Maxcom Invitational Cup na ginanap sa Clark, Pampanga matapos talunin ang mga koponan mula sa Luzon noong Hunyo 16.
Kumpiyansa nilang tinalo ang lahat ng mga koponan sa pamamagitan ng pagpapakita ng kanilang mga kasanayan sa futsal at kakayahan sa pitch na nagresulta sa 3 panalo, 1 draw para sa 1st round, at naging kwalipikado para sa semifinal game laban sa Ifugao kung saan sila ay nakinabang sa momentum ng kanilang winning streak para talunin ang Lady Booters sa iskor na 5-0.
Dahil dito, hinarap ng Masbate Futsalera ang agresibong mga Ilokana sa 15-minute battle para sa kampeonato na nagresulta sa pagkakapanalo at pagiging kampeon nito sa torneo.
Kaugnay nito, pinasalamatan ng koponan ang lahat ng mga sponsor, tagasuporta at kanilang mga magulang sa kanilang suporta.
RUBEN FUENTES