MGA GAMOT, INJECTABLES NASABAT SA NAIA

NASABAT  ng Bureau of Customs (BOC) sa Ninoy Aquino International Airport (NAIA)  ang assorted medicine at injectables na dala ng isang pasahero na walang permit  o clearance mula sa Food and Drug  Administration (FDA).

Dumating ang pasahero  sa  NAIA Terminal 3 mula Bangkok,Thailand sakay ng board Cebu Pacific flight 5J 930.

Ayon kay Customs NAIA district collector Mimel Talusan, nadiskubre ang mga nasabing  gamot  pagdaan sa X-ray scanning kung saan nakita ang imahe ng mga gamot.

Makaraang isagawa ang eksaminasyon ng mga tauhan ng Customs nakuha sa bagahe  nito ang 67 bottles  ng Thai FD supplement, 1 box Diane Ot 35, 70 boxes Estradiol Valerate Injection USP, 9 boxes Hyles 100, 40 packs Destrodiot Benzoate Inj., 100 packs Estrofem 2ml, 100 packs Progynova 2ml, 20 foils OC-35, 50 foils Duoton Fort Ampule and 25 boxes Prolition Depot ng walang maipakitang health permit.

Dagdag pa ni Talusan, walang maipakita ang may ari o pasahero ng clearances o kaya permit to import, na  naging dahilan upang kum­piskahin ang mga ito kasabay sa pag-turn over sa opisina ng FDA para sa  masusing imbestigasyon. FROILAN MORALLOS