NANUMPA na bilang bagong miyembro ng Partido Federal ng Pilipinas na partido ni Pangulong Ferdinand “Bongbong” Marcos Jr. si Interior and Local Government Secretary Benhur Abalos kasama ang 30 iba pang kongresista at local officials.
Karamihan sa mga lumipat ng partido ay dating mga miyembro ng Partido Demokratikong Pilipino-Lakas ng Bayan ni dating Pangulong Rodrigo Duterte.
Kabilang sa mga lumipat ng partido ay sina Negros Occidental Congressman Francisco Benitez, Leyte Congressman Richard Gomez, Quezon City Congressman Ralph Wendel Tulfo, Laguna Congresswoman Maria Jamina Katherine Agarao, Zamboanga del Norte Glona Labadlabad, Pangasinan Congresswoman Marlyn Primicias-Agabas, San Jose del Monte, Bulacan Congresswoman Florida Robes, Occidental Mindoro Congressman Leody Tarriela, Nueva Ecija Congresswoman Rosanna Vergara at Bulacan Congresswoman Linabelle Villarica.
Kapartido na rin ngayon ni Pangulong Marcos sina Quirino Gov. Dakila Carlo Cua, Ormoc City Mayor Lucy Torres, Cabanatuan City Mayor Myca Vergara, Meycauayan City Mayor Henry Villarica, Cabanatuan City Vice Mayor Julius Cesar Vergara, at Surallah Vice Mayor Antonio Bendita.
Dumalo mismo si Pangulong Marcos sa oath taking ng mga opisyal sa Palasyo ng Malakanyang.