MGA KAIBIGAN NI DACERA TINULUYAN NG NBI

PORMAL nang isinampa ng National Bureau of Investigation (NBI) sa Department of Justice (DOJ) ang mga kasong kriminal laban sa ilang suspek sa pagkamatay ng flight attendant na si Christine Dacera.

Kabilang sa mga kasong ito ay may kaugnayan sa illegal drugs, obstruction of justice, perjury at reckless imprudence resulting in homicide at falsification of official documents by public officer.

Kabilang sa mga pinasasailalim sa preliminary investigation ng DOJ ay sina Pol. Major Michael Nick Sarmiento – Medico Legal Officer ng Southern Police District Laboratory dahil sa kasong falsification of public document.

Kasama rin sina Mark Rosales, John Dela Serna,  Darwin Joseph Macalla, Gregorio De Guzman, Jezreel Rapinan, Alain Chen, Reymay Englis, Atty. Neptali Maruto, Louie De Lima, Rommel Galit.

Inirekomenda rin na panagutin sa kasong obstruction of justice sina Romel Galido, Dela Serna, Rapinan, Chen, Englis at Macalla na umokupa sa iniimbestigahang hotel room kung saan natagpuang patay si Dacera.

Dawit din sa umano’y obstruction of justice ang kanilang legal counsel na si Atty. Neptali Maruto habang si Rosales naman ay pinalilitis dahil sa kaso ng ilegal na droga.

Nabatid  sa imbestigasyon ng NBI na tinangka ni Rosales at Galido na mamigay ng bawal na droga samantalang nakakalap naman ng ebidensya para panagutin sa kasong reckless imprudence resulting in homicide sila Dela Serna, Rapinan, Chen at De Lima. DWIZ882

Related posts:

NBI PASOK SA P6.4 BILYONG SMUGGLED SHABU RD NG NBI-CEMRO BINASAHAN NG SAKDAL NBI HINIMOK NA PALAWAKIN ANG ‘BIKOY’ PROBE (Lumabas sa frontpage ng Bangkok Post) NBI PASOK SA FAKE NEWS VS DUTERTE TUPADA GIGIRIAN NG PNP AT NBI-YAP BONG GO REMINDS PUBLIC TO USE SOCIAL MEDIA RESPONSIBLY; URGES DOJ AND NBI TO CRACK DOWN ON FAKE NEWS AND FAKE SOCMED ACCOUNTS HUSTISYA KAY DACERA TINIYAK NI PRRD