(Mga kritiko sablay) PRIVATE SECTOR ANG NAGBAYAD NG SEAG CAULDRON

ANG pribadong sektor at hindi ang gobyerno ang nagbayad sa P50-million cauldron na ginamit sa 2019 Southeast Asian Games.

Ito ang iginiit ni dating House Speaker Alan Peter Cayetano sa isang panayam ni television host Boy Abunda noong Sabado, Setyembre 25.

“People will be surprised because the government didn’t spend a single cent on it. Because the private sector paid for it,” aniya bilang sagot sa mga paratang na overpriced at maluho  ang naturang cauldron.

Sinabi ni Cayetano, na siyang tagapangasiwa ng Philippine South East Asian Games Organizing Committee (PHISGOC) noong 2019, na mas mura pa nga ang cauldron kaysa sa mga ginamit sa mga naunang SEA Games.

Ang cauldron ay dibuho ng namayapa nang National Artist for Architecture na si Francisco Mañosa, na kinikilala bilang isa sa mga pinakaimpluwensiyal na arkitekto ng 20th century.

“I could have come up with a more humble one. Pero debut natin ito sa buong mundo. Ipinakikita natin na y’ung facilities natin (ay) world-class,” wika ni Cayetano.

Sinabi rin ng dating Speaker na ang mga akusasyon ng korupsiyon na umikot sa cauldron ay nagtulak sa ilang mga kompanya na umatras sa kanilang pag-sponsor sa 2019 SEA Games.

“Much more would have been paid by the private sector kung ‘di nagkaroon ng crab mentality at siniraan. Kasi marami kaming sponsors na umatras,” wika niya.

Iginiit din ni Cayetano na hindi siya kumita ng kahit anong halaga sa SEA Games.

“My life in politics has not been perfect but ni singko sa SEA Games, wala akong ginalaw,” dagdag pa niya.

Higit sa 5,000 atleta mula sa 11 bansa ang lumahok sa 2019 SEA Games, kun saang ang Pilipinas ang naging overall champion at humakot ng 387 na medalya, kabilang ang 149 ginto.

Pinuri rin ni Olympic Council of Asia Vice President Wei Jizhong ang mga organizer at si Pangulong Rodrigo Duterte dahil sa matagumpay na pag-host ng SEA Games, at sinabi nitong kaya na ng Pilipinas na mag-host ng mga mas malalaking palaro.

Related posts:

PINAS MAHIHIRAPAN NA MAGING NO.1 SA SEAG (Butch sa SEAG-bound PH athletes) “GALINGAN N’YO!” PINOY JINS PUSPUSAN ANG PAGHAHANDA SA SEAG (Para sa SEAG preps, calamity-hit Bicol Region rehab) LE TOUR INIURONG SA HUNYO 6-8 GOLDS TARGET NG PH JINS SA SEAG WUSHU HAHAKOT NG MEDALYA SA SEAG PSC TODO SUPORTA SA SEAG-BOUND ATHLETES PSC KUMPIYANSA SA SEAG