(Mga Pinoy pinalilikas na) ALERT LEVEL 4 SA MYANMAR

ITINAAS ng Department of Foreign Affairs (DFA) sa Alert Level 4 ang lumalalang sitwasyon ng COVID-19 sa Myanmar upang matiyak ang kaligtasan ng mga natitirang Filipino roon.

Sa ilalim ng Alert Level 4, mahigpit na inirekomenda ng DFA na lisanin o  iwan ng mga Pinoy ang Myanmar sa lalong madaling panahon.

Ito’y dahil ang healthcare system ng naturang bansa ay malapit nang maabot ang maximum capacity at maaaring hindi maka-pagbigay ng sapat na atensiyong medikal sa mga Filipinong magkakasakit sa mga darating na linggo.

Ayon sa DFA, maaaring  makipag-ugnayan ang mga Pinoy sa embahada ng Filipinas sa Myanmar para sa evacuation flight option.

Para sa kanilang kaligtasan, ang mga Filipino ay hindi papayagang bumalik sa Myanmar habang umiiral ang Alert Level 4.

Habang naghihintay na mailikas, pinayuhan ng DFA ang mga Pinoy doon na mag-ingat at umalis lamang ng kanilang tirahan kung talagang kinakailangan tulad ng pagbili ng pagkain at iba pang supplies.

Kapag nasa labas, i-practice ang physical distancing, laging magsuot ng face mask at regular na maghugas ng kamay.

Pinayuhan din ang mga Pinoy roon na regular na makipag-ugnayan sa embahada ng Filipinas sa Yangon para sa mga karagdagang impormasyon.  LIZA SORIANO

Related posts:

(Alert status binabaan) PINOY WORKERS BALIK-MYANMAR WALANG KAYOD NA PINOY NABAWASAN (8.7M noong Marso) (Sa susunod na 12 buwan – SWS survey) 45% NG PINOYS UMAASANG BUBUTI ANG BUHAY (2.26M noong Abril) JOBLESS NA PINOY NABAWASAN (Sa susunod na 6 buwan – OCTA survey) 50% NG PINOYS KUMPIYANSANG BUBUTI ANG EKONOMIYA (Ayon sa pag-aaral) 20M PINOY ‘INTERNET POOR’ (Iginiit sa Senado) GOBYERNO DAPAT MANGUNA SA PAGBILI NG LOCAL PRODUCTS SARILING ATIN, ATING TANGKILIKIN