BINISITA ni Pangulong Rodrigo Duterte sa Jolo, Sulu ang mga nasugatang sundalo na nakipagbakbakan sa mga bandidong Abu Sayyaf .
Kasama ng Pangulo si Defense Secretary Delfin Lorenzana nang gawaran ang 11 sugatang sundalo ng Order of Lapu-Lapu na may ranggong Kampilan sa Camp General Teodulfo Bautista sa Sulu noong Martes ng hapon.
Ang Order of Lapu- Lapu ay ibinibigay sa mga indibidwal, sibilyan man o nasa gobyerno na nagpakita ng hindi matawarang serbisyo o kontribusyon sa ikatatagumpay ng adbokasiya ng Presidente.
Ang Ranggong Kampilan ay ibinibigay sa mga indibidwal na nasugatan o nagkaroon ng matinding pinsala resulta ng isang aksiyon.
Ang mga pinarangalang sundalo ay nakasagupa ng mga bandidong Abu Sayyaf noong May 31 sa Barangay Pansul, Patikul, Sulu.
Samantala Gold Cross Medal naman ang iginawad sa pitong opisyal na sina Lt.Col. Abdulmoel Alamaia, Lt.Col. Ronaldo Amteo, Ist Lt. Romel Pacer, 1st Lt. Geronimo Vergara, Cpl. Ariel Sanchez, Cpl. Engelbert Tanian at Cpl. Reylan Busmeon.
Sa kanyang talumpati, tiniyak ni Pangulong Duterte sa mga sundalo ang kanyang patuloy na suporta sa kanilang hanay at makakaasa na kaisa siya sa mga hinaharap na laban para sa pagtatanggol sa kapayapaan at kaayusan ng kanilang lugar.
Sinabi rin ng Pangulo na matatanggap na rin ng mga sundalo ang kanilang hazard pay ng mga nagdaang buwan. EVELYN QUIROZ
Related posts:
BATALYONG SUNDALO IPADADALA SA JORDAN
SUNDALO SA BOC OK SA DND
200 SUNDALO LUMAHOK SA BLOOD-LETTING ACTIVITY NG DOH
(Sa engkuwentro laban sa NPA) MGA NASAWI AT SUGATANG SUNDALO PINARANGALAN
(Para ganap na maipagdiwang ang Pasko ng mga sundalo at sibilyan) 2-ARAW NA UNILATERAL CEASEFIRE IPATUPAD
BAHAGI NG SUWELDO NG MGA SUNDALO IDO-DONATE SA PAGLABAN SA COVID-19
TESDA NAGLUNSAD NG TRAINING SA MGA SUNDALO AT DATING NPA
(Itinangging may basbas ni Duterte) COVID-19 VACCINE SA MGA SUNDALO
Comments are closed.