CAMP AGUINALDO – UPANG maging mapagbantay at hindi na maulit ang pagkatalo mula sa pag-atake ng New People’s Army (NPA), pinaiimbestigahan na ni Armed Forces of the Philippines (AFP) Chief of Staff, Lt. Gen. Benjamin Madrigal ang mga sundalong naagawan ng armas.
Aminado naman ang katatalagang pinuno ng AFP na hinihintay pa niya ang buong detalye hinggil sa pag-atake dahil pawang sketchy pa lamang ang report na nakarating sa kanya.
Layunin ng nasabing imbestigasyon na alamin ang katotohanan sa likod ng pag-atake at tukuyin ang sanhi kung bakit nalusutan ang tropa ng pamahalaan.
Batay kasi sa initial report, madaling araw nang lumusob ang mga rebelde at naagaw sa mga nagbabantay na sundalo ang kanilang mga armas.
Gayunman, walang naganap na engkuwentro sa pagitan ng mga sundalo at mga rebelde.
Aminado si Madrigal na may kalayuan ang nasabing detachment kaya hirap din ang iba pang mga sundalo na makarating sa lugar para rumesponde.
Giit nito na ang insidente sa New Tubigon, Sibagan sa Agusan del Sur ay kanilang maituturing na kauna unahang pag-atake ng NPA. EUNICE C.
Related posts:
PAG-AARMAS SA MGA BRGY. OFFICIAL OK SA PNP
MAG-ASAWANG NAGSU-SUPPLY NG BALA AT ARMAS SA ABU, MAUTE NAKORNER
2 PANG ARMAS NI GARIN ‘ISINUKO’ SA JUAN CITY POLICE
PARCEL NA PAPUNTANG TAIWAN KARGADO NG ARMAS
ARMAS NI ERWIN TULFO PINAPADEPOSITO SA PNP
(Sa usapin ng pagbawi ng armas) HINDI LANG NAMAN SI GINOONG TULFO – PNP
MATATAAS NA URI NG ARMAS NG SECURITY AGENCY PINASUSUKO
2 LALAKI HULI SA ARMAS AT BALA
Comments are closed.