Itutuloy ng Department of Trade and Industry (DTI) ang planong irekomenda na maibaba sa mas maluwag na modified general community quarantine (MGCQ) ang Metro Manila sa susunod na buwan.
Ito ang inihayag ni Trade Secretary Ramon Lopez, kung magpatuloy pa rin ang nakikitang improvement o pagbuti sa naitatalang kaso ng COVID-19 sa National Capital Region.
Ayon kay Lopez, nakahanda ang economic team at halos lahat ng miyembro ng Inter-Agency Task Force for the Management of Emerging Infectious Diseases (IATF) na suportahan ang pagsasailalim na sa MGCQ ng NCR.
Binigyang diin ng kalihim, kinakailangan lamang ang mahigpit na pagsunod ng publiko sa umiiral na health protocols para maipagpatuloy ang balanse sa pagitan ng ekonomiya at kalusugan.
Dagdag ni Lopez, hindi na kakayanin pa ng Filipinas ang magbalik sa mas mahigpit na lockdown dahil magreresulta ito sa lalong pagbagsak ng ekonomiya at pagkawala ng mga trabaho.
Magugunitang noong Biyernes, niluwagan na ng IATF ang age restrictions sa mga maaaring makalabas ng kanilang bahay sa mga lugar na nasa ilalim ng MGCQ. DWIZ882
Related posts:
MMC magpupulong sa martes kung handa na sa MGCQ ang NCR
DTI PLEDGES P2-M AID TO ULYSSES VICTIMS IN MARIKINA
DTI HIRAP MAGLABAS NG PRICE CAP SA COVID-19 VACCINE
COVID CASES SA NCR TUMATAAS
DUTERTE TUTOL SA MGCQ
OCTA NAKAPAGTALA NG MAS MABABANG REPRODUCTION RATE NG COVID-19 SA NCR
CARITAS MANILA, MAMAMAHAGI NG P20M HALAGA NG GC SA NCR PLUS AREAS
(PNP handa sa bagong guidelines) GRANULAR LOCKDOWN, ALERT SYSTEM SA NCR
Comments are closed.