TARGET ng National Task Force Against COVID-19 (NTF COVID-19) na mailagay sa modifi ed general community quarantine (MGCQ) ang Metro Manila bago matapos itong buwan ng Setyembre.
Ito ang inihayag ni Defense Secretary Delfin Lorenzana na siya ring chairman ng National Task Force Against COVID-19 sa ginanap pakikipagpulong sa Coordinated Operations to Defeat Epidemic (CODE) team sa lungsod ng Caloocan na layunin ng pamahalaan na mapababa ngayon buwan ang bilang ng mga kaso ng COVID-19 sa Kalakhang Maynila.
“Ang ating layunin sa buwan na ito ay mag-flatten tayo o hindi kaya mas maganda kung maibaba natin iyong ‘curve’ para siguro pagkatapos ng buwan ng Setyembre ay makapunta na tayo sa MGCQ at medyo maluwag luwag ang buhay ng mga tao,” pahayag ni Lorenzana.
Aniya, nakasalalay sa kamay ng mga local government unit (LGU) partikular ang mga barangay ang pagpapatupad sa itinakdang quarantine at bio-safety protocols.
“Ang mga frontliner natin ay ang ating mga barangay official na nagpapatupad ng quarantine protocols, pagsusuot ng face masks, social distancing, sanitation, at iyong mga dapat nating gawin,”ani Lorenzana.
Gayunpaman, tiniyak ni Lorenzana na ang CODE teams na binuo ng Inter-Agency Task Force at ng pribadong sektor ay available para sa paglaban sa virus.
Sa ilalim ng CODE strategy, ang sinumang makikitaan ng sintomas ng COVID-19 ay isasailalim sa Reverse Transcription Polymerase Chain Reaction (RT-PCR) test o swab test.
Habang ang mga indibidwal namang na-expose sa mga nagpakita ng sintomas ay isasailalim sa isolation. VERLIN RUIZ
Related posts:
80 PINOY CREW NG MV DIAMOND PRINCESS POSITIBO SA COVID-19
85 OFWs NA DINAPUAN NG 2019 CORONAVIRUS DISEASE
PINOY KASAMA SA ‘LUMAYA’ SA CRUISE SHIP QUARANTINE
REPATS NG 140 PINOY MULA MACAU SA MARSO 11 NA
NCRPO AT DOH NAGSANIB PUWERSA VS COVID-19
4 METRO COPS TINAMAAN NG COVID-19
(PNP, LGUs pinagbabantay ng DILG) STUDES BAWAL MUNA GUMALA
(Paghalik sa imahen bawal, mga may sakit sa bahay na lang mag-novena) NAGSISIMBA SA BACLARAN NUMIPIS NG 25%
Comments are closed.