HINIKAYAT ni Deputy Speaker Bernadette Herrera ang pamahalaan na sanayin na para sa COVID-19 vaccination program ang mga midwife, pharmacists at iba pang healthcare professionals.
Kasabay na rin ito ng pag-apela ni Herrera sa Professional Regulation Commission (PRC) at sa mga professional regulatory boards ng health professions na makiisa sa Philippine Medical Association (PMA) at Philippine Nurses Association (PNA) para sa implementasyon COVID-19 vaccination program sa buong bansa.
Ayon kay Herrera, dapat ngayon pa lamang ay sinasanay na ang mga komadrona, pharmacists at iba pang health professionals sa pagsusuri ng mga pasyente, gayundin sa pagtuturok ng bakuna at pagsasagawa ng nararapat na protocols sakaling may adverse reactions para mabilis na makamit ng bansa ang herd immunity sa Covid-19.
Tinukoy pa ni Herrera na bilang primary health care professionals, kasama ang vaccination sa mga tungkulin ng midwives, pharmacists, at iba pang trained, certified, at licensed health care professionals.
Katunayan aniya, kasama ito sa mga curriculum na inaprubahan ng Commission on Higher Education (CHED) at Technical Education and Skills Development Authority (TESDA) at standards ng Department of Health (DOH) at PRC boards para sa primary health care service professionals. CONDE BATAC
Related posts:
DOH UMAPELA SA PUBLIKO: HUWAG MATAKOT SA BAKUNA
DOH CAMPAIGN SA BAKUNA PAIIGTINGIN
PAGBABAKUNA, ‘DI APEKTADO SA P14-B BUDGET CUT SA DOH
PABAKUNAHAN ANG MGA ANAK
MALAWAKANG PAGBAKUNA VS TIGDAS SINIMULAN SA FAST FOOD CHAIN
BRIEFING MUNA BAGO BAKUNA
50% NG 3.7-M NABAKUNAHAN NA KONTRA TIGDAS
4Ps BENEFICIARIES OBLIGADONG MAGPABAKUNA
Comments are closed.