HINDI pinalad na makasama sa Top 4 ang ating pambato sa Ms. Earth 2022 na si Jenny Ramp. Nakasama lang siya sa Top 16 at hanggang doon lang ang kinaya nya.
Naggagandahan ang mga kandidata ng Miss Earth 2022 at gabi ng Martes ay kinoronahan na ang nanalong Miss Earth 2022 na si Miss Korea Mina Sue Choi ng Korea na ginanap sa Okada Manila.
Tinanghal naman bilang Miss Fire 2022 si Andrea Aguilera ng Colombia.
Lumaban din hanggang dulo si Miss Water 2022 na si Nadeen Ayoub ng bansang Palestine.
At ang sinabi ng karamihan na mananalo ng title pero naging Miss Air 2022 lang ang nakuha ni Sheridan Mortlock of Australia.
Sa kabuuan ay maganda at maayos ang Grand Coronation Night ng Miss Earth kung saan media partner ang Pilipino Mirror.
Sa 2023 ay gaganapin ang Miss Earth pageant sa bansang Vietnam. BENNY ANDAYA