GUMUGULONG na ang imbestigasyon ng Department of Agriculture (DA) sa dahilan ng pagpalo ng presyo ng pulang sibuyas sa P720 kada kilo.
Inihayag ni DA Assistant Secretary Kristine Evangelista na price manipulation at smuggling ang tinitingnan nilang anggulo sa pagsirit sa P720 ng presyo ng kada kilo ng sibuyas.
Posible aniyang may nagho-hoard ng nasabing agricultural product na dahilan ng pagtaas ng presyo nito.
Ayon kay Evangelista, kailangan ng kooperasyon ng retailers upang matunton at mahuli ang onion traders na nagbebenta nang sobrang mahal.
Sa isyu naman ng smuggling, nakatatanggap umano si DA Assistant Secretary James Layug ng mga lead sa tulong ng Bureau of Customs.
Nitong Miyerkoles ay inirekomenda ng kagawaran na itakda sa P250 kada kilo ang suggested retail price ng pulang sibuyas simula kahapon.
DWIZ 882
Related posts:
(Pinaiimbestigahan sa Kamara)PRICE MANIPULATION SA SIBUYAS
(DA nakikipag-ugnayan na sa mga magsasaka)PRESYO NG SIBUYAS PABABABAIN
(Itinakda ng DA)P170/K SRP SA PULANG SIBUYAS
(Tiniyak ng DA)MURA, DEKALIDAD NA PULANG SIBUYAS
(Iniimbestigahan ng DA)TAAS-PRESYO SA SIBUYAS
MURANG SIBUYAS MABIBILI SA KADIWA STORES
(Pinag-aaralan ng DA)PAG-ANGKAT NG SIBUYAS
P30-M SMUGGLED NA SIBUYAS NASABAT