MIYEMBRO NG KFR NADAKIP NG PNP-AKG

BUKIDNON-ISANG itinuturing na most wanted person at kasapi ng kilabot na Ozamis Kidnap for ransom group ang naaresto ng mga tauhan ng Philippine National Police-Anti Kidnapping Group (PNP-AKG)  sa Kibawe ng nasabing lalawigan.

Ayon kay PNP-AKG Director Brig. Gen. Jonnel C. Estomo, nadakip ng kanyang mga tauhan sa pangunguna ni P/Col  Alex Fulgar sa tulong ng AKG-MFU Iligan Sattelite Office  ang suspek na si  Ryan James Sebellano y Mendez @ Jimboy  kamakalawa ng hapon.

Nabatid kay P/Major Ronaldo Lumactod,taga pagsalita ng PNP-AKG na dakong ala-5 ng hapon ay isang operasyon ang inilunsad sa Brgy Marapange, Marapange Elementary School, Kibawe, Bukidnon laban kay Sebellano sa pamamagitan ng warrant of arrest na inisyu ni Hon. Sylvia A Singidas- Machacon, Presiding  judge of RTC Branch  16, of 10th  Judicial region, Tangub City, Misamis  Occidental dahil sa kaso nitong murder kaugnay sa pagkamatay ng isang Rolando Suson noong 2010 kung saan walang piyansang inerekomenda.

Si Sebellano na pinaniniwalaang Remnant ng kinatatakutang  Dragon  Francisco  KFRG  na naka base sa  Ozamis City at  isa sa prime suspect sa  Shenny Sy Ang kidnap for ransom case sa Cavite  City ngayong taong  2020.

Dinala ang suspek sa Bukidnon Police Provincial Office para sa blotter  at booking process bago inilipat sa AKG Iligan Sattelite Office para sa dagdag na imbestigasyon at proper disposition and documentation bago ibalik sa korte kaugnay sa issuance ng  commitment order. VERLIN RUIZ