ITINALAGA si Raffy Mosuela bilang interim head coach ng Akari para sa nalalapit na 2024 Premier Volleyball League season.
Si Mosuela, dating miyembro ng coaching staff sa ilalim ni Jorge Souza de Brito, ang papalit sa Brazilian coach sa Akari, na sisikaping makabawi mula sa seventh-place finish sa nakaraang conference.
“Charging into an exciting new chapter with a new interim head coach leading the way. Coach Raffy Mosuela has taken on the role of interim head coach for the Akari Chargers,” pahayag ng Akari sa isang post sa Facebook.
“We’re right behind you as you lead the charge, Coach Raffy. It’s time for an electrifying season,” dagdag pa ng koponan. Mamanahin ng dating Philippine Air Force player ang promising squad na kinabibilangan nina Faith Nisperos, Dindin Santiago-Manabat, Fifi Sharma, Erika Raagas, Michelle Cobb, gayundin nina newcomers Grethcel Soltones at Ced Domingo.
Tinapos ng Chargers ang season-ending Second All-Filipino Conference na may 5-6 win-loss record.
