ISABELA – BINAWIAN na ng buhay ang isang tsuper sa salpukan ng motorsiklo at traysikel sa lansangan na bahagi ng Brgy. Lomboy, Angadanan.
Kinilala ang nasawing tsuper ng motorsiklo na si Richard Ventura, 29 anyos, at residente ng Brgy. Dagupan, Alicia, Isabela.
Habang ang suspek ay si Wilfredo Idio, 61 anyos, tsuper ng tricycle at residente ng Brgy. Sta. Cruz, Alicia, Isabela.
Sa ipinarating na ulat ni P/Capt. Francis Pattad, hepe ng PNP Angadanan sa inisyal na imbestigasyon ng kanyang kapulisan ang dalawang behikulo ay galing sa magkasalungat na direksyon at nang makarating sa nabanggit na lugar ay rito naganap ang salpukan.
Nagtamo ng matinding sugat sa kanyang katawan ang biktima na agad dinala sa pagamutan subalit agad ding binawian ng buhay.
Sa ngayon ay nasa pangangalaga na ng kapulisan ang suspek para sa pagsasampa ng kasong reckless imprudence resulting in Homicide and Damage to Property. REY VELASCO
Related posts:
MOTOR VS AMBULANSIYA: 1 NASAWI, 2 SUGATAN
2 NADALE SA SALPUKAN NG 2 MOTORSIKLO
MOTOR BUMANGGA SA SUV, RIDER BULAGTA
NABULAHAW SA REBOLUSYON NG MOTOR NANAKSAK
KELOT TIKLO SA SINIKWAT NA TRAYSIKEL
NANG-AGAW NG MOTOR, KARNAPER BULAGTA SA PARAK
MOTOR SUMALPOK SA GUTTER: 1 PATAY, 1 SUGATAN
SUMEMPLANG NA MOTOR DALAWANG RIDERS UTAS
Comments are closed.