CAVITE – Tatlo sa anim na notoryus motorcycle thieves ang nasakote ng mga awtoridad makaraang makumpiskahan ng anim na nakaw na motorsiklo sa Dasmariñas City, Cavite kamakalawa.
Isinailalim sa tactical interrogation at nakatakdang kasuhan ang mga suspek na sina Ariel Rellado y Reyayo, 22, const. worker, ng Barangay Victoria Reyes, Dasmariñas City; Cyrra Buendicho y Rebellames, 18, ng Brgy. Paliparan 3, Dasmariñas City; at si emerso Oliario Y Ilano, 25, ng Block 53 Lot 15 Purok 4, Brgy. Victoria Reyes.
Kasalukuyang tinutugis naman ng pulisya ang iba pang suspek na sina Marvin Amistoso, Kevin Merallos at Kevin Gemarases y Torres na pawang nakatira sa nasabing lungsod.
Base sa police report na naisumite sa Camp Pantaleon Garcia, lumilitaw na naaktuhan ng ilang security guard at brgy. tanod sina Rellado at Buendicho na pinaandar ang motorsiklo ni Percival Marace Jr. na nakaparada malapit sa gate ng Bellavista Subd. sa Brgy. Santiago, General Trias City.
Gayunman, kaagad na sinita at inaresto ang dalawang suspek habang ang tatlong kasabwat naman na tumatayong lookout ay mabilis na tumakas sakay ng motorsiklo. MHAR BASCO
Comments are closed.