INAPRUBAHAN na ng Senate committee on public services ang panukalang magpapahintulot sa paggamit ng mga motorsiklo bilang pampasaherong sasakyan tulad ng Angkas.
Hiwalay na inakda ang Senate Bill Nos. 2173 at 2180 at Senate Resolution 993 nina Senadora Grace Poe, Senate President Pro-Tempore Ralph Recto at Sen. JV Ejercito at nakalusot na ito bilang alternatibong public transportation sa ikalawang public hearing kamakailan.
“Kinikilala natin na ito ay alternatibo at kailangan ng transportasyon papunta sa mga main hub… kaya ito ay ikinokonsidera na-tin,” ani Poe na siyang chairman ng komite.
“Mayroon pong demand para rito (sic) sapagkat mas mura, mabilis at komportable ang pagmo-motor dahil na rin sa napakatind-ing siksikan ng mga sasakyan,” dagdag ni Poe.
Sa kabila na suportado ni Poe ang mas murang mode of transportation, dapat umanong magkaroon ng sapat na kaalaman at training ang mga rider at mayroon ding dapat na accident insurance ang mga pasahero nito.
“Bagama’t mayroong demand, hindi naman natin maikakaila ang inherent vulnerability ng mga motorsiklo sa mga aksidente; at dahil dito, nararapat lamang na mas matindi ang safety requirements sa motorsiklo,” dagdag niya.
Related posts:
GUIDELINES SA PANGHUHULI SA ANGKAS DRIVERS IKINAKASA NA
LTFRB NAGBABALA SA RIDE SHARING
LTFRB PINUNA SA GINAWANG AKSIYON VS ANGKAS
PAG-ANGKAS SA MOTORSIKLO BAWAL PA RIN KAHIT GCQ NA
PAGBABALIK NG ANGKAS SA MOTOR PAG-ARALANG MABUTI –BONG GO
SAME-SEX COUPLES PUWEDE NA SA ANGKAS
7,091 RIDERS HULI SA PAG-AANGKAS
MOTORCYCLE BARRIER ‘DI NA KAILANGAN SA MAG-AANGKAS
Comments are closed.