ILOILO CITY-KAPWA inoobserbahan sa pagamutan ang magkasintahan matapos maaksidenteng mahulog ang sinasakyang motorsiklo sa bangin habang papauwi mula sa kanilang date nitong Valentines Day sa bayan ng Leon sa lalawigang ito.
Sa ulat Leon Municipal Police Station kinilala ang mga biktima na sina Kirby Obiganda at nobyang si Regine Velez.
Lumilitaw sa pagsisiyasat, galing ang magnobyo sa Barangay Bucari para sa kanilang date at habang pauwi ay nawalan ng kontrol si Obiganda sa kanyang motorsiko pagsapit sa may barangay Maliao.
Sumadsad ang mga biktima hanggang sa mahulog sa isang mababaw na bangin dahlan para magtamo sila ng galos at mga sugat sa ibat ibang bahagi ng katawan.
Agad naman naitakbo ang dalawa sa pagamutan ng mga nagrespondeng taga-municipal disaster office. VERLIN RUIZ
Comments are closed.