MAGIGING sentro ng talakayan ang MPBL Invitationals at ang Collegiate Center for Esports (CCE) Mobile Legends Varsity Cup sa online Philippine Sportswriters Association (PSA) Forum ngayong Martes.
Tatalakayin ni Commissioner Kenneth Duremdes ang Dec. 11-21 special tournament ng MPBL na suportado ng Chooks-To-Go.
Samantala, makakasama ni CCE spokesperson Waiyip Chong si finance head Stanley Lao sa pagtalakay sa nagpapatuloy na Mobile Legends Varsity Cup na nilalahukan ng mga eskuwelahan mula sa NCAA.
Ang public sports program ay magsisimula sa alas-11 ng umaga at itinataguyod ng San Miguel Corporation (SMC), MILO, Amelie Hotel Manila, Braska Restaurant, Daily Tribune, at ng Philippine Amusement and Gaming Corporation (PAGCOR).
Ang weekly Forum ay naka-livestream via PSA Facebook page fb.com/PhilippineSportswritersAssociation at isini-share din ng Radyo Pilipinas 2 Facebook page.
